ו' בא תשס"ח
ד' שבט תשס"ח

בס"ד

א רפואה פאר די אפגעפארענע בחורים מיט מיידלעך

דער ספר הקדוש

שבט מוסר

אזוי ווי ליידער עס איז אריין א ביטערע מגיפה ביים כלל ישראל אז מען האלט שוין ליידער ביי אריבער טויזנט היימישע אידישע קינדער וואס זענען שוין ליידער ארויס לתרבות רעה רח"ל.

השי"ת האט מקדים געווען רפואה למכה, עס האבן זיך צוזאמענגענומען עטליכע תלמידים פון רבינו הקדוש זי"ע און האבען געטראכט וואס קענען זיי טוהן כדי צו ראטעווען דעם ביטערן מצב, סיי מתקן צו זיין און צוריק ברענגען די אפגעפארענע בחורים, און סיי מיר זאלן נישט הערן מער פון אזעלעכע אומגליקען, וואס דאס איז ל"ע די גרעסטע ווייטאג אויף די וועלט, און קיינער ליידער טראכט אפילו נישט ווי אזוי מען זאל זיי ראטעווען.

[מען רעדט טאקע פון די איראנער קינדער וכו', אבער פון די אייגענע קינדער רעדט קיינער נישט, א חוץ איינער א צדיק וקדוש הרב רבי נחום ראזנבערג שליט"א, וואס דאס איז נוגע בנפשו, ער וויינט מיט מיט יעדען טאטען און מאמען, וואס זייערע קישענעס זענען פיהל מיט טרערען, יא ליידער דאס איז דער אמת, די תלמוד תורה'ס מיט די מיידעל סקול'ס גייט קיינעם נישט אהן, זיי וואלטן געקענט מאכען שיעורים אין די חדרים אין די מיידל סקול'ס, אבער ליידער מיר האבן נאך נישט זוכה געווען דערצו, הלוואי זאלן מיר חאטש יעצט ווען מיר זעהן דעם גרויסן חורבן, ווי סיי די קינדער בחורים סיי די מיידלעך טראכטן נישט ווייסען נישט פון קיין שכר ועונש, נו אויב אזוי פארוואס זאלן זיי נישט זינדיגען?]

די תלמידים פון רבינו הקדוש האבען געטוהן זייער אסאך זאכען הן אין חינוך וכו'.

צום ערשטענס האבען זיי געארבעט מען זאל ארויס געבען די צוויי הייליגע ספרים וואס דאס איז די גרעסטע הצלה פון אן אידישע שטיב, אז די קינדער זאלן זיך האלטן ערליך, עס איז אויך א גרויסע הצלה פאר די יונגע פאר פאלק, ווען זיי האבן חתונה זאלן זיך מאכען א שיעור לכל הפחות צוויי מאל א וואך צו לערנען די הייליגע ספרים שבט מוסר מיט קב הישר.

מיר ברענגען אייך אראפ עטליכע מודעות וואס ס'איז נתפרסם געווארן עטליכע יאר צוריק ווען די ספרים זענען ארויס געקומען.

לויט ווי מיר האבן נאכגעפרעגט איז אינגאנצען געבליבן א קליינע צאל פון די ספרים, וכל הקודם זכה. הלוואי זאל דאס איינער זיך מנדב זיין און איבער דריקען.  

דעם ספר שבט מוסר קען מען באַקומען אין אַלע ספרים געשעפטן.

ברוקלין נ"י תשנ"ח