מכתב נ

הזדעזעי עיר מאנרוי

כי נעץ ה"שבתי צבי" טלפיו בחומותיך

א מחאה קעגען היינטיגע שבתי צבי'ניקעס

די פרעסע איז פול געווען פאר צוויי וואכען וועגען דעם אומדערהערטען ארויסטריט פון א קינדער מלמד אין קרית יואל וועלעכע האט געזאגט פאר די קינדער אז דעם רבי'ן (מיינענדיג דעם סיגעט-סאטמער) מוז מען פאָלגען אפילו אויב ער וועט הייסען עסען נבילות וטריפות רחמנא ליצלן, און האָט געבעטען די קינדער נישט צו-פאַרציילען אינדערהיים....

מורי ורבותי! מיר געדענקען נישט אַזא ערשיינונג פון שבתי צבי ימ"ש וועלעכער האָט געהייסען עסען חֵלב מיט אַ ברכה. און דא דרייט זיך ארום אַ מלמד מיט די זעלבע דעות און אלעס שווייגט. די חוצפה איז אומדערהערט דאָרט ווי יעדער ווייסט אַז כ"ק מרן הגה"ק מסאטמער זצ"ל האָט אַ גאַנץ לעבען געקנעלט און זיינע תלמידים וחסידים אַז תורה איז העכער ווי חסידות און וואס דרבי הייסט טוהן קעגן די תורה איז ער אַ שייגעץ כאחד השקצים און מען דארף פון איהם אנטלויפען. און דאָ ווייגט מען זיך צו פרעדיגען אין די קינדער דאָס פאַרקערטע?...

בושנו מכל עם: דאָס פנים פלאַמט פון בושה ווי ווייט נידעריג מיר שטייען. אדרבה פראָבירט אריינגיין אין דעם נידעריגסטען אידישען מוסד פון גאַנץ אמעריקא. און איר וועט פאַר קיין געלט נישט הערען אַזעלכע ווערטער. און דא גייט דאס אַדאָרך בשתיקה?.

רבנים, מנהיגים, ראשי ישיבות, מלמדים, מחנכים, מנהלים, פארגעסט נישט אַז שטיל שווייגען אַזא צייט מאַכט אַ שווערן רושם און הימעל, דריקט אויס אייער מחאה ביי אייערע מוסדות ותנו כבוד לד' אלקיכם, און אויפהייבען דעם כבוד התורה שנתחלל בעוה"ר.

יהודים התעוררו!

החלצו למלחמת ה' בגבורים להוקיע מסיתים ומדיחים אלה נגד השמש. התאזרו עוז ועצמה לגלות פרצופיהם של פורצים בחומות תורה הקדושה וטורפי נפש עולליכם אלה. ולעקור ע"ז זו, וה' יהי' בעזרכם שיגודעו קרני רשעים תרוממנה קרנות צדיק.

החותם בלב נשבר ונדכה מצרות ישראל בגוף ונפש, כי הן רשעים כים נגרש השקט לא יכולו, וה' הטוב ירחם עלינו למען שמו יתברך ונזכה לגאולה וישועה קרובה בהרמת קרן התורה והיהדות בב"א.

יום ג' פרשת שלח לסדר "למה זה אתם עוברים את פי ה' והוא לא תצלח" חודש אייר שנת תשמ"ט לפ"ק.

הק' שלום יהודה גראס

אבדק"ק האלמין יצ"ו

 

a

 

מכתב נא

בס"ד

וויכטיגע מודעה

אויפן פארלאנג פון די אנשי הקהלה פון סאטמאר נוצט מען נישט קיין בהמה פלייש דעם זומער סיזען און אלע סאטמערער קעמפס, יונגל און מיידעל קעמפ, א.ד.ג..

נ.ב. ווי מיר דערוויסען זיך ווערט געפלאנט אויך אין סאטמערער ישיבה אין מאנרוי נישט צו ניצען בשר בהמה אגאנץ יאר אופן פארלאנג פון כמעט אלע עלטערען פון די בחורים. צוליב די גרויסע הפקירות ביי די אזוי געריפענע היימישע שחיטה וואס סאטמערע אידען פלעגען ניצען ביז נישט לאנג צוריק.

פאלגט נאך ווייטערדיגע מודעות

 

*

 

 

מכתב נב

בס"ד

מודעה חשובה

ווי עס איז באוואוסט קאכט מען אין יונגעל קעמפ סעודות פאר אלע קעמפס כולל יונגעלייט.

דער אנפירער ר' יודיל רוזנבערג, האט געהאט גרויסע פראבלעמען ווען די עלטערען זענען געקומען איינשרייבען די קינדער אין די קעמפס, האט ר' יודיל געזעהן דאס ער האט א גרויס פראבלעם, ווייל די עלטערען ווילען בשום אופן מען זאל נישט געבען בהמה פלייש און אויב מען טוט נישט זייער פארלאנג האלטען זיי ביים ארויס נעמען די קינדער פון די סאטמערער מוסדות, די עלטערען האבען געגעבען נאך איין עצה דאס מען זאל קאכען עקסטער פאר די קינדער עופות פלייש. אבער עס איז פארשטייט זיך זייער שווער אנציפירען אזא קעמפ מיט צוויי ערליי מאכלים.

איז ר' יודיל אריבער צו הרב ר' יודיל גרובער און האט איהם געפרעגט וואס עס גייט פאר? האט איהם הרב גרובער מסביר געווען די פראבלעמען מיט דעם שוחט מיטן סכין פגום און מאכיל טריפות במזיד וכו'.

ר' יודיל רוזנבערג האט גע'טענ'ת היתכן מען קען דאך מתקן זיין זאל מען נעמען אן אנדערען שוחט...ביז ער איז געוואר געווארען אז די גליק משפחה זענען ממש שותפים און די פלייש ביזנעס וכו' און וועגען דעם קען מען גארנישט מתקן זיין.

ר"י רוזענבערג איז ממש ארויס פון די כלים אויפגעשפרינגען און צורידערטערהייט מיט גרויס געשפאנקייט אויסגעהערט די אלע געוואלדיגע מכשולות וואס טוט זיך ביי די שחיטה און קיין שום תיקון ווערט נישט צו געלאזט און דער רב המכשיר באקומט ריזיגע געלטער צו פארטומלען די מוחות וואס זענען ליידער פול פול שטערקער און גרעסער ווי דער עולם מיינט

ר"י גרובער האט נאך מוסיף געווען אז לויט ווי דער מצב שטעלט זיך ארויס וועט אזוי שנעל קיין תיקון נישט ווערען ווייל די בעלי בתים זענען גבר אלימ'ס און ווארפען א טעראר אויף אלע רבנים.

און עס איז געווען אסיפות פון רבנים ביז עס איז נישט געבליבען קיין עצה ביז די התאחדות הרבנים האט אראפ גענומען דעם הכשר און אחריות פון די כשרות פון די אלע דאזיגע פליישען, און אפילו עטליכע רבנים פון התאחדות האבען הכשרים אויף בוטשער'ס איז דאס נישט אויף די שחיטה נאר אופן זאלצען, אבער אויף די שחיטה זענען זיי מפרסם פאר זייערע מעמבערס אז זיי נעמען נישט קיין אחריות אויף די שחיטה.

ר"י רוזנבערג איז אריבער געלאפען צום רב פון קהילת סיגוט-סאטמער פרעגען וואס מען טוט צו פארעכטען די שחיטה, דער סאטמער רבי איז אויפגעשפרינגען פון כעס, ער האט איהם געוואלט ארויסווארפען פון שטיב, ר' יודיל האט געזעהן אז כלתה אליו הרעה האט ער געזאגט צום רבין דאס ער מיינט נאר די טובה פון רבין, זאגענדיג אז רוב עולם ווילען נישט הערען פון קעמפ דעם יאר אזוי שטארק איז דער עולם צו קאכט וועגען די שוידערליכע שמועות און קלאנגען וואס גייען ארום איבער די הפקירות ביי די שחיטה.

און וואס פאר א פנים וועלען מיר האבען פאר די וועלט דארט ווי די וועלט קען אונץ נאך נישט מוחל זיין פאר די ביטערע רייבונגען און חילול השם וואס האט שוין ליידער געקאסט אזויפיל אידישע נפשות, און וואס האלט ממש ביים טיילען די קהילה און צווייען, און די טריפענע צייטונגען פון אלע אונזערע שונאים באפוצען דאס און פראייען זיך מיט אונזער דורכפאלען, און עס איז ח"ו א גרויסע סכנה אז די אלע קהילות פון סאטמער וויליאמסבורג, מאנסי, לעקוואד, בארא פארק, גייט ווען א מורא'דיגער שפאלט סאטמער וועט זיך צוטיילען אין 2 חלקים ווי עס ווייזט זיך וועט דרבי פארלירען רוב עולם דארט ווי רוב פון די אייגענע קינדער חסידים שוין היינט בחורים יונגע-לייט האלטען עלטער אידען זענען מבזה דעם רבין מיט זיין זיהן דעם רב פון מאנרוי אין אלע גאסען.

ווי קענען מיר דאס צוקוקען און שווייגן מיר מוזען זיך דאך אננעמן פארן רבינס כבוד אויב נישט האלט מען ח"ו ביים באנקראט און נאר די שונאים וועלען פארדינען פון די גאנצע פרשה. איז חאטש איך וויל דעם רבין נישט זאגען קיין דעה איז מיין מיינונג אז מען זאל דאס מאל נאכגעבען וועגען די פלייש וואס מאכט אן אזויפיל מחלוקת און ברענגט נישט קיין גיטס און בפרט אין די קעפמס דארט ווי עס צייגט זיך ארויס קלאר אז רוב אנ"ש ווילען נישט וויסען מער פון עסען פלייש אויף אזוי ווייט אז זיי סטראשענען אז זיי וועלען שיקען זייערע קינדער און עקבי הצאן און אנדערע מוסדות צו ח"ו זיכט דאס דרבי? אויב ח"ו עס וועלען אגרויסער עולם נישט קומען אין קעמפ דעם זימער וועלען זיי אוודאי אויך לאזען זייער קינדער אין דעם זעלבען פלאטץ סיי מיידלעך סיי יונגלעך און אונזערע שונאים וועלען פון אונזער מיה גרויס ווערען און זיך קאנצעטרירען און אויפבויען גרויסע מוסדות און וויליאמסבורג בא"פ ונוסף גם הם על שונאינו להלחם בנו...

און ליידער איז שוין דא א גרויסע קרייז פארדארבענע יונגען וואס ווארטען אויף אזא געלעגנהייט כדי צו קענען גיין אויף ליובאביץ הערען זיינע שיחות און ווערען זיינע חסידים, און די זעלבע איז מיט ר' מעכיל, לעבאביץ. מיט בעלז, וואס די ליובאביצער מסיונערען פארסאמען די קעפ, וואס וועלען קיינמאל פון דארט נישט ארויסגיין און זיי אליין וועלען מיט אונזער לבוש אזוי ווי וועכטעריסטען.

וויסענדיג אז עס וועט זיי נישט אנקומען שווער דארט ווי עס איז דא א שפאלט און אונזער רעיון וואס דרבי זייערער האט פארלוירען זיין אטאריטעיט און זיין ווארט איז נישט מאסטגעבען צווישען זיינע אייגענע חסידים ווייל די מערסטע טוען גענוי קאפויר ווי דרבי הייסט.

און אזוי אויך האבען מיר נאך שונאים וואס מיר ליידען אזוי אויך גענוג פון זיי מה לנו ולצרה הזאת? באלד איז צוזאמען געקומען עטליכע דרינגענדע מיטונגען ביים סיגעטער רבין אין הויז און עס איז געבליבען פה אחד אז ר"י איז פארט גערעכט און ווי ווייט מיר ווילען נישט נאכגעבען אונזערע אייגענע שונאים איז דער שאדען פיל פאכיג, זענען מיר דאך געצווינגען דערצו ווייל אז נישט וואס אונזערע אינגעלייט באווייזען נישט טוען דאס די פארביסענע צייטונגען משלים זיין מיט זייערע מיעסע געשליפענע צינגען, און פראייען זיך אויף די גרויסע מפלה פון אונזער הייליגע קהלה, און ח"ו צו זאגען אז דאס זאל זיי געלונגען אפילו נאר א טייל פון דעם וואס זיי שטערעבען שוין אזויפיהל יארען.

נאך אזאך איז דערמאנט געווארען ביי די אסיפה אז די פאפער קעמפס ווערען נישט בכלל סערווירט קיין פלייש צוליב די גרויסע מכשולות, און די וועלט וועט אויסטיישען אז סאטמער עקשענט זיך דווקא צו געבען פלייש ווייל זיי האבען אונטערעס אונץ צו געבען נו"ט פאר אונזערע קינדער, און אז אין מאנרוי איז מען נישט בכח איינצוצוימען די אלע זאכען ווי אזוי וועלען מיר נאך אויסקוקען ווען דער פייער וועט זיך צושפרייטען און אלע קהילות.

דרבי האט מיט א שווער הארץ מסכים געווען צו די גרויסע באשלוסען פון די ראשי הקהלה, זענדיג דעם גרויסען בראך וואס זיינע חסידים ווערען ווייניגער פון טאג צו טאג און זעהן ווי די שונאים וואקסען ווי שוואמען נאך א רעגען, פון די געוועזענע גאר נאנטסטע און געטרייסטע חסידים ווערען איבער נאכט איבערגעדרייט פאר די גרעסטע שונאים און עס איז נישט מעגליך צו קאנטראלירען די אייגענע קרייזען ווער עס איז נאך באמת פון אונזערע און ווער נישט.

די ווייטערדיגע באריכטען וואס עס האט זיך אפגעטוהן נאכדעם וועלען מיר שרייבען באריכות.

די גאנצע שטאט רידערט זיך פון דעם אז רוב סאטמערע חסידים האבען גענצליך איינגעזעהן אז אלע עירעורים זענעם אמת, און אז מיט די קינדער ווערען געפיטערט מיט נו"ט יארען לאנג. אנצופילען דעם באטעל פון קצבים מיט מכשירים נאכצוקומען זייערע אגאיסטישע אינטערעסען.

חוצפה סאלאמיס, טירנאער חלילה סאטמער נוצט אויסנישט ריזיגע מסיבה קיינער נישט צוגערירט צום פלייש.

דער דרוק פון דעם ריזיגען ציבור און סאטמער וואס רירן נישט אן קיין פלייש איז געווארן גרעסער פון טאג צו טאג, אדער ר"י רוזנבערג האט אנגערופען בתום לב ר"י גרובער פרעגען וואס גייט פאר? האט גרובער געזאגט דער מצב איז ביטער מען האט שוין פראבירט מתקן זיין וויינשטאק'ס שחיטה, אבער עס גייט נישט. די טעמים זענען באקאנט.

 

*

 

מכתב נג

הוראה ואזהרה לאפרושי מאיסורא

ממרן גאב"ד קאשוי שליט"א

רפאל בלום

ראב"ד דק"ק קאשוי יע"א

בעדפארד היללס, ניו יארק יע"א

ב"ב, יום י"ג מדות של רחמים תשמ"ג לפ"ק פ' האזינו

שלו' וברכה לכבוד כל תלמידיי החביבים הע"י

אחדש"ה אודות שנשאלתי כמה פעמים, מענין בשר בהמה שיש מערערים, שאין החֵלב מנוקר כראוי.

הנה כפי שראיתי בעצמי, בשבוע זו, במעמד מנקרים מומחים, נתברר כי בעו"ה, שהבשר שקנו בשבועות אלו, מחנויות המוחזקים להיותר טובים ומהודרים, אינם מנוקרים כראוי, שנשאר עליהם חֵלב דאורייתא, וגם מחלק האחוריים הי' שם עם החֵלב שלהם, בדברים שאינו תלוי במנהג או מחלוקת כלל ואסור מן התורה לכו"ע. על כן אבקש שלא לאכול שום בשר בהמה, כלל וכלל לא, עד שיתוקן הכל בשלימות בע"ה, עפ"י דת תוה"ק.

ה' הטוב ישלח לנו ברכתו להוושע בגמח"ט בתוכ"י ושנת גאולה וישועה א"ס.

ולראי' בעה"ח

הק' רפאל בלום

 

מכתב נד

אזהרה והודעה

ברחבי היהדות בארה"ב נתפרסם מכתב מזוייף כאילו הגאון מקאשוי אינו מערער על ה"ניקור", והגיע לידינו מכתב רשמי מקהילת עדת קאשוי כי המכתב מזוייף והגה"צ מקאשוי שליט"א עדיין עומד על פסקו הראשון

 

*

 

בנשיאות כ"ק אדמו"ר הגה"צ מוהר"ר רפאל בלום שליט"א אב"ד ור"מ קאשוי יע"א

ב"ה

יום ה' לסדר וישלח שנת תשמ"ג לפ"ק

שלו' וברכה לכ"מ הע"י:

לאחרונה יצאו אנשים בני בליעל והפיצו מכתב מזויף שזייפו באופן שיתראה כאילו נכתב על ידי רבינו שליט"א שבו חוזר ממה שכתב במכתבו הראשון (שנכתב ביום י"ג מדות דהאי שתא תשמ"ג לפ"ק) בענין חלב, ועוד תוספות דברי שקרים וכזבים רח"ל.

וע"כ באנו בזה להודיע לכל מי שהגיע מכתב המזויף הנ"ל לידו כי מעולם לא יצא מתחת יד רבינו שליט"א, ומזויף כולו מרישא לסיפא.

(ומצרפים אנו פה הקאפיעס של נוסח כתב יד האמיתי וגם המכתב המזויף).

ובדרך אגב, הננו מודיעים בזה שאין לנו או לאחד ממוסדותינו שום חלק ואחריות בשום פאשקעווילע"ן הנדפסים בדברי לעג ובזיון וליצנות באיזה פנים שיהי', ואצ"ל שאין לנו ח"ו שום קשר בענין זה ולא בשום ענין - עם פורקי עול ושונאי הדת, והציונים, ותומכיהם, בכל שום וחניכא דאית להון, ובפרט הראדי"א והצייטונגע"ן שכל הנ"ל המה מאוסים ומשוקצים בעיני כל יראי ה' וכש"כ בעיני רבינו שליט"א הלוחם כל ימיו נגד כולם כידוע ומפורסם.

מאחר שכמובן אי אפשר לנו בשום אופן להודיע בעצמינו את כל הנ"ל לכל מי שנוגע לו, ע"כ (הגם ששלחנו לכמה מוסדות להודיע להם, מ"מ) נבקש מכל מקבל המכתב הזה לפרסמו גם לאחרים כפי אשר ביכלתו.

בכבוד ובברכה

הנהלת הקהלה

*

 

מכתב נה

דעתו של הגה"צ מקאשוי שליט"א אודות מצב הכשרות אצל השחיטה וכו' בארה"ב, בחודש תמוז תשמ"ה לפ"ק, נדפס עתה בספרו החדש ברכות שמים על מסכת שבת פרק ב',  בקונטרס קצה השמים פרק ה' (עמוד כ"ז), ועיין עוד לקמן עמוד ש"נ.

מכח זה של חורבן הקהלות בעו"ה וכמעט אין שום קהלה מסודרת על פי הנוסח שהי' באירופא, נמשך ג"כ ירידת הכשרות בדברים חמורים מאוד, והשחיטה, והאפי', והבישול, וכמעט כל המאכלים, הכל נמצא ביד יחידים, המה המושלים והמשלמים, אשר אפילו אם היו יראים וחרדים, הלא אין שום נאמנות לבעלי העסקים, וקל וחומר שהרבה המה מהירודים, ורבה העזובה בקרב הארץ, וגברו בעלי זרוע, ואימתם מוטלת על הבריות, ובפרט שהכל נעשה בכמות רב בסיטונות ובמהירות, וסומכים בכל דבר על היתרים של הפסד מרובה ושעת הדחק וכו' והרבה אף בלי היתר, והחיוב הי' שהרבנים אשר יש להם עכ"פ קצת דמיון לקהלות הישנות, שיסדרו שיהא להם יד בכל עניני חיי הנפש, ויעמדו על המשמר לדאוג עכ"פ עבור קהילתם, ועל ידי כן יתחזק כח הכשרות להכלל כולו, ובאמת הי' מציאות לזה אם יתחזקו הרבנים על עמדם ולעשות בענין זה מה שביכלתם, ואין שום ספק שיצליחו בשליחותם, כי במצב של היום הירידה מיום אל יום וכל אחד עושה ככל הישר בעיניו,  עכ"ל, עיין שם עוד.

 

*

מכתב נו

הגאון הפוסק המפורסם אבד"ק דעברעצין זצ"ל, ויבלח"ט כ"ק מרן אדמו"ר מוויזניץ-מונסי שליט"א

דעת תורה

פון דעברעצינער רב (שליט"א) וועגן דעם פראבלעם פון ניקור

פולער טעקסט פון דעברעצינער רב'ס בריוו

בעזהי"ת

אל מע"כ ידיד"נ הרה"ג המפורסם... שליט"א

בתשובה מאהבה על שאלתו מה דרשתי בשבת תשובה העעל"ט בענין ניקור בברוקלין, כי זה אומר כה וזה אומר כה כדרך העולם, ורצונו לדעת האמת.

כה דרשתי ברבים, וכוונתי הי' כאשר אכתוב כאן בביאור יותר, שכל המנקר כניקור שהי' נהוג במדינתנו ארץ הגר (אונגארן) ע"פ הוראת רבותינו הגאונים הקדושים זצ"ל זכי"ע, כדת וכדין עושה, וכל המהרהר אחר הוראותיהם כמהרהר אחר השכינה וצריך בדיקה אחריו.

אולם שמעתי מפי כ"ק אדמו"ר מוויזניץ שליט"א שלדאבונינו ולצערינו הגדול מצאו בג' וד' חנויות שלא עשו הניקור כהוגן ולמכאוב לבינו נשאר רח"ל חלב גמור, או לאזנים שכך שומעין.

וע"כ כל אחד ואחד יחקור אחר חנותו ששם קנה בשר עד עתה, אם הניקור נעשה שם כהוגן, ואם איננו יכול לבקר או נודע לו שהמנקר בחנות ששם קונה אין לו קבלה רשות והורמנא בכתב מרב מובהק וממנקר מומחה שיודע לבקר כהוגן, לא יקנה מחנות זו בשר גסה ודקה עד שיתוקן הכל על צד היותר טוב, כי בלאו הכי בנפשו הוא.

וע"ז בעה"ח א' לס' נח תשמ"ג לפ"ק פה ברוקלין יצ"ו

משה שטערן

אב"ד דעברעצין

נ.ב. לפי מה ששמעתי ממגידי אמת, שלא רק בג' וד' חנויות מצאו חלב, אלא הרבה יותר ויותר, ומי הוא זה שלא תרגז בטנו.

הנ"ל

 

*

 

 

מכתב נז

קו"ק שיצא לאור ע"י הביד"צ של קהילת קלויזנבורג, וכ"ק האדמו"ר מקלויזנבורג זצ"ל חתם ג"כ ע"ז (ומעוניין מאוד שכפי הנראה הרי היא החתימה היחידה שחותם עצמו בחתימה "יקותיאל יהודה מרודניק", וז"ל הקול קורא:

ב"ה

קהל יסודי התורה שה"פ קלויזענבורג

בהוראת הבד"צ לאפרושי מאיסורא באנו לפרסם לרבים המכתבים שנדפסו בחוברת שנשלח לידינו אודות מצב הניקור באמריקע:  וויליאמסבורג, בארא פארק, מאנסי, ועוד. ואזהרה מביד"צ דקהילתנו שלא לאכול בשר עד שיסודרו הדברים בכל.

ב"ה

ביד"צ דקהל יסודי התורה שה"פ קלויזענבורג

למנהלי הקהלה הע"י,

כדי להסיר מכשול הננו בבקשה לפרסם לאנשי קהלתנו המכתבים הנוגעים לענין ניקור חלב החמור ולהזהיר שלא יבואו למכשול ח"ו עד שיסודרו הענינים בכל.

וע"ז באנו על החתום ד' עשי"ת תשמ"ג לפ"ק

אהרן יודע ווילנער - אהרן ווידער

אפרים פישל הערשקאוויץ

 

*

 

לחומרת הדבר שרח"ל גורם לטמטום הלב ומקור לכל פירצות הדור רח"ל הוא מאכלות אסורות, חתמתי גם אני שמי להמנות על העומדים על המשמר בדרך אבוה"ק זי"ע ועכ"י.

מקום החתימה

יקותיאל יהודה מרודניק

(כ"ק אדמו"ר [שליט"א] מצאנז-קלויזענבורג)

 

*

מכתב נח

גביית עדות משוחטים בעיר הבירה לונדון אנגליה

בס"ד, ליל ג' פרשת ויחי לחודש טבת תנש"א לפ"ק

א. מיר, ר' שלום יודא גראָס, ר' ישראל האָכהייזער און ר' ישראל פּנחס שליט"א פעלדמאַן, זיינען געווען ביי הר"ר משה מאיר בריף שו"ב שליט"א, איבערצושמועסן וועגן די עניני שחיטה, די נייע געזעצן וואָס די רעגירונג האָט אַרויסגעגעבן.

ב. א. לגבי הולכה והובאה אז מען מעג נאָר מאַכן איין הולכה והובאה, האָט ער געזאָגט אַז דער געזעץ איז בטל געוואָרן, און דאָס איז אַ געפערלעכער פּראָבלעם, אויב דאָס וואָלט געווען דורכגעגאַנגען, וואָלט מען נישט געטאָרט שעכטן!

ג. ב. לגבי דעם געזעץ פון די וורידין, אויב מען מעג שעכטן די וורידין? האָט ער געזאָגט אַז דאָס איז שוין אַן אַלטע זאַך פון 40 יאָר, אַז מען מוז שעכטן די וורידין. עס איז דאָ כסדר אַן אינספּעקטאָר וואָס קוקט די זאַכן. 1. די געזונטהייט. 2. ריינקייט. 3. צי דער שוחט שעכט די וורידין. 3. אַ סאַך מאָל שטייט דער אינספּעקטאָר און קוקט אויף דעם שוחט, און בשעת דער אינספּעקטאָר קוקט, גיט ער מער אַכטונג צו שעכטן די וורידין, ווייל אויב נישט שרייט דער אינספּעקטאָר, אָבער דער אינספּעקטאָר שטייט נישט דאָרט אַ גאַנצע צייט. ער טוט דאָך אויך אַנדערע זאַכן, ממילא איז דער פּראָבלעם נאָר ווען דער אינספּעקטאָר איז דאָרט.

שאלה ד: האָסטו מער מורא פאַרן רב אָדער פאַרן אינספּעקטאָר?

תשובה: איך האָב פאַר ביידע להבדיל מורא, דאָס מיינט ער שעכט אַנדערש סיי ווען דער רב איז דאָרט, סיי ווען דער אינספּעקטאָר איז דאָרט, אַזוי ווי ביי אַ דרייווינג טעסט. דאָס הייסט איך מאַך מער פּינקטלעך סיי ווען דער רב איז דאָרט, סיי ווען דער אינספּעקטאָר איז דאָרט.

שאלה ה: וויפיל פּראָצענט ווערט געשאָכטן די וורידין?

תשובה: בערך 60% ווערט געשאָכטן די וורידין!

שאלה ו: וויפיל פּראָצענט רירט מען אָן די מפרקת?

תשובה: בערך 20%!

שאלה ז: וויפיל פּראָצענט שעכט מען נישט די וורידין!

תשובה: בערך 20%!

שאלה ח: וויפיל פּראָצענט וועט זיין מער נגיעת מפרקת אויב דער אינספּעקטאָר וועט דאָרט שטיין די גאַנצע צייט?

תשובה: בערך 2% מער נגיעת מפרקת ווי ווען דער אינספּעקטאָר איז נישט דאָ.

שאלה ט: וואָס וועט זיין אויב דער אינספּעקטאָר וועט שטיין די גאַנצע צייט דאָרט?

תשובה: וועט מען אַכטונג געבן מען זאָל יאָ שעכטן די וורידין!

שאלה י: זענען דאָ אַנדערע שוחטים וואָס שעכטן ווייניקער מאָל דורך די וורידין?

תשובה: אַוודאי נישט יעדער שוחט איז דער זעלבער ווי דער אַנדערער שוחט!

שאלה יא: וואָס וועט זיין אויב אַ שוחט וועט נישט קענען אַלעמאָל שעכטן די וורידין?

איר זענט טאַקע אַ מומחה, אָבער דער אַנדערער איז דאָך נישט אַזאַ מומחה ווי איר?

תשובה: וועט מען אים טאַקע מעביר זיין! און אויף דעם וועט דער אינספּעקטאָר אַכטונג געבן!

וע"ז באעה"ח יום הנ"ל,  שלום יודא גראָס, ישראל פנחס פעלדמאַן

שאלה יב: איז עפּעס נתחדש געוואָרן יעצט?

תשובה: דער געזעץ פון שעכטן די וורידין איז שוין אַן אַלטער געזעץ. איך האָב דאָ אַ קאָפּיע פון 76', וואו עס שטייט אַז אויב מען וועט נישט שעכטן די וורידין וועט מען צונעמען זיינע לייסענס, אָבער מען האָט נאָך גאָרנישט געטוהן, און מען וועט ווייטער גאָרנישט טוהן.

שאלה יג: אָבער לויט ווי איך האָב געהערט וועט מען דאָך מעביר זיין דעם שוחט אויב ער וועט נישט שעכטן די וורידין, און ער וועט דאַרפן צאָלן קנס, און זיצן דריי חדשים אין תפיסה?

תשובה: .עס איז שקר! עס איז נישט פאַראַן אַזאַ זאַך. עס איז פּונקט ווי אין די לעצטע 40 יאָר. מען וועט קיינעם נישט איינשפּאַרן, קיינער וועט נישט צאָלן קיין קנס. מען וועט נישט מעביר זיין.

שאלה יד: איר זענט מסכים צו שעכטן מיט אַ משגיח פון דעם אינספּעקטאָר?

תשובה:  איך וויל דאָס אויך נישט! איך וואָלט אַוודאי צופרידן געווען מען זאָל דאָס מבטל זיין!

שאלה טו: עס וועט דאָך זיין אַ מכשול אויב די אַנדערע שוחטים קענען נישט מכוון זיין צו שעכטן די וורידין?

תשובה: מען וועט זיך מוזן אויסלערנען. אויב ער וועט נישט קענען וועט מען אים מעביר זיין.

וע"ז באעה"ח יום הנ"ל,  שלום יודא גראָס...ישראל פּנחס פעלדמאַן

שאלה טז: איך בין אַ שוחט, קענסטו מיר נישט פאַרקויפן קיין באָבע מעשיות. איך האַלט אַז עס וועט זיין מער נגיעת מפרקת ביז כאָטש 80%.

תשובה: ניין, העכסטנס 2% מער ווי נאָרמאַל.

שאלה יז: וויפיל חלפים האָט איר ביי דער שחיטה?

תשובה:  6 חלפים. יעדער שוחט (דאָס מיינט 3 שוחטים) ברענגט 2 חלפים.

שאלה יח: איר האָט אַ בודק סכינים?

תשובה: ניין, איינער שעכט, איינער איז בודק פּנים און איינער איז בודק חוץ!

שאלה יט: אויב איר וועט האָבן נאָך מער נגיעת מפרקת, מיינט דאָס אַז איר וועט דאַרפן האָבן אַ סאַך מער חלפים?

תשובה: מיר האָבן דאָרט נאָך, מען וועט מאַכן נאָך!

שאלה כ: דאָס מיינט איר וועט אַרבעטן נאָך 2 שעה אַ טאָג אויף חלפים? פון וואו וועט איר נעמען חלפים אינמיטן די שחיטה?

תשובה: מען מאַכט נישט קיין חלפים ביי די שחיטה, מען ברענגט אלץ פאַרטיג.

שאלה כא: אויב דו ביסט מודה אַז נישט אַלע וועלן קענען ווי דו, ווי קענסטו נעמען אַן אחריות? דאָס מיינט דאָך אַז אַנדערע וועלן מוזן שעכטן אין מפרקת, ווייל זיי קענען דאָך נישט ווי דו?

תשובה: מען וועט זיי אויסלערנען. מען לערנט זיך יעצט אויך, מען שעכט יעצט אויך ביז צום סוף.

נאום  שלום יודא גראָס, ישראל פּנחס פעלדמאַן

שאלה כב: ביזט דאָך מודה אַז מען שעכט ביזן סוף, דאָס מיינט דאָך ביזן מפרקת?

תשובה: ניין, איך מיין פאַרן מפרקת, נאָר אין פלייש אַריין.

שאלה כג: ווי קען מען מכוון זיין אַז עס זאָל גיין אין פלייש און נישט אין מפרקת?

תשובה: מען קען, מען לערנט זיך, מען שעכט שוין לאַנג אַזוי.

שאלה כד: אָבער אַנדערע קענען דאָך נישט מכוון זיין אַזוי ווי איר?

תשובה: אַנדערע שעכטן שוין אויך די וורידין אום אָנגערירט די מפרקת.

שאלה כה: וואָס דאַרפסטו זיין אַ מכשיל הרבים און מסכים זיין אויף אַזעלכע זאַכן וואָס נישט יעדער וועט קענען מיטהאַלטן, און אויטאָמאַטיש געצוואונגענערהייט נישט צו פאַרלירן די פּרנסה וועלן זיי מוזן שעכטן אין מפרקת? עס וועט דאָך פּגום ווערן דער חליף?

תשובה: אויב מען וועט אָנרירן די מפרקת וועט מען טריפה מאַכן. מען מאַכט יעדן טאָג טריפה אַזוי אויך, און אַ סאַך מאָל דערשעכט מען נישט די סימנים, און ווען די גויים האַלטן נישט גוט קומען פאָר גרויסע שאלות. עס ווערן טריפה בהמות, עס ווענדט זיך וועלכע גויים עס האַלטן, גוטע אָדער שלעכטע.

שאלה כו: ווי קענסטו נעמען אויף דיר די אחריות פאַר גאַנץ לאָנדאָן און אייראָפּע, ווי דו ווייסט אַליין אַז עס איז אַ פּראָבלעם ביי אַנדערע שוחטים!

תשובה: איך נעם נישט קיין אחריות. מיר האָבן רבנים, איך מיש זיך נישט. אלץ איז די רבנים גדולים, וואָס זיי פּסק'ענען.

שאלה כז: אָבער די רבנים פאַרלאָזן זיך דאָך נאָר אויף דיר?

תשובה: זיי ווייסן וואָס זיי טוען (זיי זענען גענוג קלוג).

שאלה כח (מוסר): ווי קענסטו נעמען אויף זיך אַזאַ אחריות, דו ווייסט דאָך אַז רוב שוחטים זיינען מאכיל טריפות, ווי מען זעט דער דברי חיים סי' ו' (כ"ו), רנ"א רצה לפסול וכו', תולדות יע"י נשא, בעש"ט הק' זי"ע, וכו'.

תשובה: איך בין נישט מסכים אַז רוב אידן עסן נו"ט.

שאלה כט: וואָס הייסט 5.3 מיליאָן אידן פון דייטשלאַנד (ד"ח), 6.5 מיליאָן אידן פון היטלער ימ"ש (עי' בעלז) דאָס מיינט 10 מיליאָן זענען אויסגעשטאָרבן דורך נו"ט, רמב"ם 70 טויזנט וכו'.

תשובה: די 6 מיליאָן האָט ר' יעק'לע געזאָגט אַז דאָס קומט פון שנאת חנם!

שאלה ל: דער בעלזער רבי זי"ע איז דיר נישט קיין פאַרלעסלעכער, אַז ער האָט געזאָגט, און דער צאַנזער רב זי"ע?

תשובה: אָבער מען קען נישט זאָגן רוב שוחטים, רוב כלל ישראל זאָל עסן נו"ט.

שאלה לא: קלאַפּט דיר באמת די האַרץ ווען דו רירסט אָן די מפרקת?

תשובה: יאָ!

פאַרוואָס?

תשובה: איך דאַרף בודק זיין דעם חליף.

שאלה לב: ביזט מודה, אַז אויב דער חליף ווערט קאַליע נעמסטו אַן אַנדערן חליף? אָבער עס קומט דאָך אַ סאַך פאָר דער פּראָבלעם? דאַרף מען דאָך נעמען אַ סאַך מער חלפים.

תשובה: יאָ, מען נעמט אַנדערע חלפים. עס קומען פאָר כסדר נגיעות מפרקת'ן און מען טוישט, מען נעמט נייע חלפים.

שאלה לג: דאָ ליגט טאַקע דער פּראָבלעם, אַז מען וועט דאַרפן האָבן כסדר נייע חלפים, און וויפיל קען מען בכלל צושטעלן? ממילא וועט מען שעכטן מיט פּגימות אַזוי ווי אין ניו-יאָרק.

די שוחטים זענען בכלל נישט באַגלויבט, ווי דער רשב"א זאָגט אַז שקר בימינם. טראַכט גוט אַריין וואָס דו האָט געטוהן, ווייל הרב פּאַדעווע האָט זיך נאָר אויף דיר פאַרלאָזט. דו נעמסט די אחריות אויפן גאַנצן כלל ישראל אין אייראָפּע. מען איז דאָך עוקר די פינף ה' שחיטה פון דער תורה הקדושה!

תשובה: איך נעם נישט קיין אחריות. אַלץ איז אויף די רבנים'ס אחריות.

שאלה לד: וויפיל בהמות שעכט מען אין איין שעה?

תשובה: 51 בהמות אין איין שעה.

שאלה לה: פאַרוואָס זאָל טאַקע נישט זיין קיין בודק סכינים?

תשובה: עס איז טאַקע אַ וויכטיקע זאַך. עס וואָלט געווען אַ גרויסער תיקון. אָבער עס איז נישט דאָ קיין געלט! אדרבה, אויב דו קענסט מתקן זיין וואָלט געווען אַ דבר גדול.

וע"ז באעה"ח ליל ד' פּ' ויחי ט' לחודש טבת תשנ"א לפ"ק,  שלום יודא גראָס

אנו החתומים מטה היינו בליל ג' פ' ויחי שנת תשנ"א בבית הרב ר' משה מאיר בריף שליט"א ברחוב מענער ראָוד 14 בלונדון עיר הבירה נ. 61, ביחד עם הרה"ח ר' ישראל האָכהייזער שליט"א, הרה"ח ר' ישראל פנחס הלוי פעלדמאן והרה"ח ר' שלו' יודא גראָס שליט"א, ודברנו עמו ושמענו כל הנ"ל וע"כ באנו לאשר ולקיים כל הנכתב לעיל בהל"ה סעיפים הנ"ל

נאום: שלום יודא גראס

נאום: ישראל פנחס פעלדמאן

  a